/public/tvbcom/article/images/202511/b757a2af-8cd3-4a49-b323-963b90b6fe77.jpg)
羅毓儀（Yuki）與林俊其（Kris）在《女神配對計劃》配對成功後，兩人感情穩定，更已火速見家長。二人不時在社交平台高調放閃，繼上月萬聖節相約主題樂園，影情侶靚相作紀念後，近日羅毓儀又上載一條以「拍一日拖之驚喜大作戰」為題的短片，互送對方驚喜甜到爆！
延伸閱讀： 羅毓儀林俊其中秋互見家長 爆男友太緊張講錯嘢？
羅毓儀準備的禮物可謂驚喜與驚嚇並存：「佢平時用開個部相機最近壞咗，feel到佢對某個型號動心，我嘅驚喜一定要伴隨住一啲驚嚇，咁樣先好玩」。片中可見，羅毓儀送出的相機，單機身就已逾萬元，除了是滿足對方心願，更是為了幫其補祝生日：「因為你5月12號生日，但個陣時，我哋《女神》都只係去到好初期，其實我一直以來嚟都好想幫你補祝番，所以就準備咗呢個」，而Kris則送給Yuki心心念念的運動相機，相當窩心！
而羅毓儀亦在社交平台晒出一輯林俊其用新相機拍攝的靚相，大晒「男友視角」，葉蒨文（Sophie）即被閃爆，留言大讚：「Kris影相真心好！」
