羅毓儀林俊其中秋互見家長 爆男友太緊張講錯嘢？

羅毓儀（Yuki）與林俊其（Kris）在《女神配對計劃》配對成功後，兩人愛得甜蜜，羅毓儀更趁剛剛過去的中秋佳節去了林俊其家裡食飯見家長，見完家長更急不可待開直播分享。

林俊其大讚羅毓儀表現很好，羅毓儀就問林俊其媽媽對自己的第一印象。林俊其指媽咪叫他「聽多啲人講嘢，唔好成日諗自己，多啲分享下自己，因為成日會收埋自己，無論對屋企或對朋友、女朋友都係，跟住佢話多啲同Yuki傾吓偈，個人都開心啲。」羅毓儀聽後即大讚：「Auntie神助攻！」

其實，林俊其之前一日已到羅毓儀家見過家長，羅毓儀表示父母沒對林俊其作出評價，只要她開心就可以：「我覺得好好呀，你同我爹哋都幾啱傾，我爹哋又識煮嘢食，又鍾意影相，同佢啲興趣好似。」林俊其接着說：「係，因好鍾意講歷史，跟住呢，你知男人好鍾意講舊時，佢講完舊時之後，我都講舊時，勁好笑，兩個長氣男人不斷講講講，跟住佢喺身邊好似深感恩惠。」羅媽媽也非常喜歡林俊其，就連阿女責怪男友遲到，羅媽媽都有幫口。