林芊妤懷孕32週誤食生豬肉 撰長文敘述驚險一刻 即做一事補救

目前已經懷孕32週的林芊妤今早於社交網撰長文敘述發生驚險事， 她指誤食沒有煮熟的豬肉釀豆，吞下去後才後知後覺，隨即衝去洗手間：「我即刻9秒9衝去廁所扣喉，但無論我點扣都嘔唔到出嚟，最後都剩係嘔到好少好少既粉紅色生豬肉出黎，老公見我嘔得咁辛苦都嘔唔到就叫我唔好再扣，我成晚都係好擔心因為我知豬肉有好多寄生蟲好污糟，但我又唔敢表現出嚟…因為我見到姐姐好內疚同眼有淚光，所以係咁同姐姐講我無事 只係叫佢下次煮完記得要check清楚先。我係咁上網搵有關既案例點知越睇就越驚⋯琴晚仲發夢d寄生蟲整到bb有事，講真如果係平時既我真係唔會理⋯最多咪腸胃炎，不過而家32週既我真係好擔心，希望唔好影響到個bb。」林芊妤續指醫生叫她留意如有出現發燒或不舒服，就要入院檢查。不少網民亦都紛紛留言表示安慰，叫她不要過於憂心。