林芊妤二胎BB染色體異常或有多種缺憾 壓力爆煲爆喊！憂小生命不能順利出世

林芊妤（Coffee）日前喺社交平台宣布，自己相隔六年終於成功懷上第二胎，目前已經懷孕四個月。原本係值得高興嘅喜訊，但背後卻藏住一段令她極度憂心嘅經歷。Coffee坦言，呢段時間內心經歷住巨大起伏，喜悅與不安交織，令佢一度情緒崩潰。

自2018年誕下大仔伯伯之後，Coffee一直好希望再添一名小生命。佢曾經喺2021年公開透露不幸流產，身心大受打擊。其後佢積極調理身體，靠中醫調養與自律生活，希望可以再度懷孕。不過當兒子踏入六歲時，佢開始接受可能唔會再有第二胎嘅事實，甚至打消咗生多個BB嘅念頭。

直到2024年2月，Coffee一家突然經歷一連串事件，當時佢身心俱疲，以為經期紊亂係因為壓力所致，初期驗孕亦冇反應，令佢一度懷疑自己提早進入更年期。直至後來發現驗孕棒出現兩條線，但佢因為過去流產陰影太大，一度不敢輕易報喜。直至連續六日驗出相同結果，先鼓起勇氣同老公分享呢個消息，並決定懷孕三個月後先向外公布。