/public/tvbcom/article/images/202509/d78e2650-888c-424a-8f8d-a4c652822597.jpg)
李芷晴在《女神配對計劃》最終選擇單身，未能配對成功，事後她在社交網發長文發表感受，再次強調拒絕林焌堯（Jacob）並非對方問題，並讚對方是非常優秀的男仔，感謝對方為其為付出和進步，不過慘遭網民批評拜金收兵，戲弄男方。
皆因李芷晴在節目中多次表示與林焌堯（Jacob）投契，但最終依然拒愛選擇單身，難怪不少網友指她向Jacob派「好人卡」。
延伸閱讀：女神配對計劃｜關嘉敏再剖白對細John感情 李芷晴學懂面對自己問題
/public/tvbcom/article/images/202509/f8a7b028-eb3d-498f-9397-301264a416de.jpg)
她在社交網發長文感謝節目所有人，又指這段期間「好似上咗一堂戀愛課堂」，每次拍攝令其更了解自己，「原來以往嘅感情經歷，加上年紀問題，開展一段新嘅感情變成好重要好沉重嘅決定，但我依然相信愛情，真係好想認真發展一段關係，所以變得更謹慎。如果自己問題未解決，就去開展一段新嘅關係嘅話，我相信呢段關係唔會長久，亦對大家都唔公平。」
/public/tvbcom/article/images/202509/18b708e5-5edd-44f6-8718-c99191c18213.jpg)
李芷晴自言過往很怕做決定，故當遇到問題會選擇逃避，又或者將選擇權交給其他人，「拒絕一個人並唔係一個咁易嘅決定，拍攝當日我都好緊張、非常掙扎，搵咗好多人去傾，好感謝有你哋嘅意見同支持，我先勇於做到呢個決定。」
最後她再說：「喺節目上最後無選擇任何人呢一個決定絕對同所有男仔嘅條件無關。愛情唔係一份清單，唔係邊個符合嘅條件更多就選擇邊個，而係遇見一個特定嘅靈魂，然後發現成個世界因此而變得唔同。當我準備好嘅時候，我依然期待愛情嘅到來。」
Jacob亦有留言「尊重你嘅決定，希望你幸福」節目的其他參賽者Jaden、Matthew、Matt也有留言為李芷晴打氣：「多謝我哋嘅女神Step帶俾我哋一個精彩難忘夏天」、「掂㗎啦，唔會冇人要㗎」、「你個決定真心唔易做，respect and proud！」
但有些網民對李芷晴的言論有意見，認為她戲弄Jacob，更留言批評：「其實你參加嚟做咩？」、「對jacob冇feel就冇feel啦，講到自己未準備好拍拖」、「更加了解自己係拜金？」
有網友更用侮辱性字眼批評李芷晴，對此她以高EQ回覆：「如果你唔理解我嘅諗法我好尊重，亦都好歡迎你分享你自己嘅諗法，但係希望你唔好用呢一啲嘅字眼去侮辱人」而該名用侮辱性字眼的網民亦再留言，承認自己言辭過激，用上不恰當字眼而道歉。
