女神配對計劃｜關嘉敏再剖白對細John感情 李芷晴學懂面對自己問題

在昨晚的慶功宴上，關嘉敏看出播出自己那一幕時再次落淚，表現激動，她接受tvb.com獨家訪問直言看得很感觸，「我睇番頭先自己嗰part好似冇拍過， 成個人去番當時個情景 ，好多回憶湧番上嚟 。」

關嘉敏自言沒有後悔所下的決定，「就算我覺得Mattew幾好而可能有機會發展 ，但都唔係嗰一刻 ， 因為我個心有另一個人，咁對佢都唔公平。」

對於不少網民直言為她對細John那份情感心痛，關嘉敏直言感到可惜：「 我初時係抱住有就有冇就冇嘅心態， 唔知幾時開始就沉船咗， 最後我條線變得好戲劇性， 唔知點解有咁多起伏，但令我學懂可以堅強啲，同埋今次呢個節目最重要令我搵番戀愛感覺。」

至於李芷晴同樣未能配對成功，她接受tvb.com獨家訪問指在節目中成長不少，了解自己的問題，「當初參加呢個節目 ，我以為自己都會好快鍾意其中一個人。但喺節目經歷咗唔同男仔出現， 啲男仔都好優秀， 好多人會話佢哋咁好，你係咪嫌佢哋唔夠好， 但喺我內心我唔係理對方個條件有幾好， 而係要睇下自己適唔適合。」

她直言想改變自己過往戀愛腦性格，「喺呢個節目我發現自己有好多問題， 我想面對咗自己問題 ，先再開展另一段關係。 因為以前每次太快開展另一段關係， 令到每段關係唔work， 所以就算當刻我好struggle個男仔係好好，但自己好似未ready ，我覺得就算開展咗一段關係，都唔會長久。」