愛回家劇情｜姚焯菲何晉樂經歷過冇水日子？自認並非「大嘥鬼」分享用水習慣絕不浪費

點讚

撰文：柔娛絲

發佈日期：2025-04-29 13:30

「幸福從來不是必然」，1963年香港遇上百年一遇旱災，連續九個月的乾旱逼使政府實施最嚴厲的制水令，在那年代的人經歷每4天供水一次的苦況，又要到街外的街喉取水擔水上樓，直到東江水的引入，解決了水資源不足的問題，令大家才不用再經歷制水的日子。

現時年輕一代，當然十分幸福，一扭開水喉就有水流出，更加要學會好好保護水資源。

年輕的代表姚焯菲（Chantel）和何晉樂（Rock）接受TVB.COM訪問大談用水習慣，均表示十分惜水，絕不做「大嘥鬼」。

何晉樂自言在讀書時期，試過因沒有留意冇食水的通告，因此忘記儲水，「嗰次成家人要去超市買水再搬番屋企，都係一個難忘經歷。」

經過那次「托水」後，何晉樂深明凡事要未雨綢繆，更自言絕不是浪費的人：「其實突然冇水係好難預料，都知道好多嘢唔係必然，要懂得感恩自己所擁有嘅每一樣嘢，盡量為呢個地球社區出一分力，要節約用水同電。」

他續分享一個小習慣：「平時出騷一大班人，自己飲水都會mark低個名喺個樽度，因為曾經試過開咗支水，擺埋一邊，之後無為意擺喺邊，就有好多樽水撈亂晒，所以自己每次都會mark低，唔好浪費資源。」

至於姚焯菲直言試過住宅洗水缸，沒有水用數小時，已感受到不便之處，令其更學懂珍惜，「因為你唔會知道下一刻發生咩事或者會突然間無水，同埋呢個世界有好多人需要用水，所以真係唔好浪費。」

她指由小到大父母也有教其要珍惜用水，更自認是惜水之人：「佢哋都會講有時倒咗杯水，擺咗陣唔好就倒咗去，又添另一杯，咁樣會好浪費，就算我沖涼或者洗手都唔會開大個水喉，自己用水方面都好小心。」

主頁