張與辰親自剖白與K先生關係 透露與對方相識16年：我哋互相信任

雖然張與辰曾在直播上澄清，但近日他接受TVB娛樂新聞台訪問，再度剖白與K先生關係，他直言與對方是是死黨兼合作夥伴，二人在馬來西亞和台灣都曾一齊開設公司，大家已經合作了16年，所以對方一直都係安排自己的工作。

張與辰透露現時與TMG(TVB Music Group)簽約，K先生就負責歌曲製作部份：「即係我詞、編曲同製作嘅嘢，我都係交畀佢負責，我哋係商業夥伴同互相信任嘅拍檔，決賽之後我係請佢留低喺香港幫手，不過佢家已經返咗去，我諗件事對佢多多少少都有影響。」

至於張與辰亦被問到歌迷會的資金受到質疑，他稱已有一間公司處理歌迷會資金，而公司亦有聘請核數師同會計師去負責睇成盤數，有足夠透明度。