張與辰感謝親友無條件支持追夢 回味比賽過程感不捨：一齊並肩作戰了十個月時間

張與辰指比賽站在舞台時沒有半點兒緊張：「反地覺得好興奮好期待將自己每一首歌都唱畀大家聽。一開始嚟比賽其實真係抱住『never try never know』的心態嚟去玩下，當宣佈自己入圍三甲再宣布埋得到亞軍，其實我個腦係blank左，可能已經將所有精神和體力出盡了，個人鬆左落嚟。」

他續說：「多謝TVB畀左一個咁好的舞台我地去追夢，好多謝所有長駐評審肥媽、添sir、周老師、海兒老師，同所有嘉賓評審老師呢幾個月嚟不停咁教導同鼓勵我。多謝Donald老師同big band幫助我昇華同完成左咁多次的演出。多謝台前幕後所有工作人員的照顧。多謝婉婉姐每一次都鼓勵同畀左好多勇氣我，為我禱告。」

當然不少得一直支持其親友，令張與辰勇於追夢，「多謝你哋包容我，愛住我，不停地鼓勵我，支持我去做自己想做的事，陪住我行呢條追夢之路。」

他再感謝所有《中年好聲音3》並肩作戰的戰友們和粉絲：「多謝我最強大的後援會『與辰同行』因為你哋我先會越戰越強，多謝你哋畀左咁多美好的回憶我💖」

最後他列出獲得「中年好聲音3亞軍」、「觀眾最愛好聲音大獎」和「登峰甫士」獎項，表示「阿媽！我得咗啦！」。