周嘉全首度發聲！ 親揭公開表白全因一個人：問我一萬次，我可能都係揀李芷晴

在《女神配對計劃》第一集錄影完畢後，《東張西望》現場採訪竟再為周嘉全製造第二次的機會，周嘉全就對着鏡頭再度表白，表示在節目裡的一番說話是真實的，會將時間、心思全部給她，想順其自然，不要給予太多壓力，而李芷晴聽畢就再次強調所有事情來得太突然，又指會嘗試向這個方向考慮一下。

今日（13日）周嘉全終在社交網發長文發表心聲，感謝大家的意見評論：「咩承受我的狂畫野，咩世界大兵，咩什麼都不是你是二等兵士，全部都笑到我肚痛」。

周嘉全自言絕無劇本，並自責海選時不敢認愛：「我第一次海選個態度好唔同，我完全冇勇氣去承認自己鍾意芷晴。原來未有互動環節你就要表露心跡。六七部cam影住自己，要面對全香港甚至內地嘅觀眾，我開唔到口去承認去表白。對於七年嘅友誼，我一直小心翼翼去珍惜。但係，我返到屋企之後幾晚都瞓唔着，內疚感不斷咁湧上嚟。另外四位都係非常優秀同善良嘅女仔，但係問我一萬次，我可能都係揀李芷晴，點解就冇勇氣同其他人承認呢件事？我對於呢個懦弱嘅自己十分之討厭。」

原來周嘉全勇敢認愛，全因其父親鼓勵：「我老竇知道我參加呢個節目，竟然鼓勵我放膽去愛。需知道就算我以前讀書幾咁努力考好成績，又或者工作上幾辛苦得到小進步，我父母從來都唔會有一句慰問或者鼓勵。試過電視機播緊我嘅一場主戲，可以望都唔望下，佢哋就係我嘅父母，唔奚落我已經好好😂。所以，我老竇鼓勵我嘅一刻係好震撼，三十一年嚟第一次收到鼓勵(。呢一個，係我喺呢個節目得到嘅最大得著。我嗰刻覺得有少少天意主使。」

他續說：「表白呢件事本身只有一個意義，就係話畀對方聽佢值得擁有愛。當刻或者將來發生咩事，全部都需要心理準備。我又唔係完美嘅人，凡發生必合理。」