區永權孖太太賀結婚17周年 珍貴舊照曝光青澀靚仔樣 蕭正楠大呼甜到「糖尿」

區永權同太太相識廿年，將拍拖時的點滴都銘記於心：「呢位咁正嘅人妻，同佢相識20年，當年仲係2006德國世界盃，點解我記得？！因為我記得囉！皆因當時經常搵藉口，話約佢出嚟睇波囉，你懂的！」

兩人拍拖三年後拉埋天窗，結婚一周年時收到太太懷孕的喜訊，跟住「一年抱兩」，區永權冧爆甜說：「現在結婚17年，而我，就從當年嘅青靚白淨，到宜家已經要戴老花眼鏡，唯一不變嘅，就係對區太嘅愛，Love you forever！妳係最好嘅Honey，最好嘅Mami！」恩愛程度羨煞網民，好友蕭正楠更直呼：「甜到糖尿」，區永權回覆：「都係跟你學嘢啫」！亦有人大讚區永權後生時靚仔：「區爸年輕時好Charm啊！祝您同太太繼續甜甜蜜蜜」、「地球暖化都是因為你這種暖男」。