東張男神兒子出國讀書 不捨囝囝激動爆喊：父母亦都學習放手

區永權（Albert）與圈外太太Clara結婚15年，育有14歲大仔區靖嵐（Aidan）及13歲細仔區靖崋（Ambrose），日前區永權在網上分享了一段短片，透露兩位兒子前往新西蘭升學，更親自陪同兒子到當地適應環境。

片中可見，區永權與太太先由香港國際機場出發，陪同兩位兒子飛往奧克蘭適應環境，之後他與太太送兩位兒子返學，鏡頭再一轉，他們一家四口就在當地機場，區永權叮囑兩個兒子：「畀心機讀書知唔知呀？」其後他非常激動攬着兒子不捨流淚，更喊到面紅紅：「聽教聽話知唔知呀？」又一度除眼鏡抹淚水，場面感人。

區永權發文表示：「兩個仔，已經開始挑戰自己，學習獨立展翅高飛！鼓勵佢哋信心要足夠，其實父母亦都學習放手，彼此都要加油！作為區太嘅朋友，自此之後可以多多約佢Hang out！而作為我嘅新舊客戶，請要多多想起我喔，因為有兩個仔在外升學，感覺是多麼的刺激興奮？！你們懂的！」

剛榮升新手爸爸的蕭正楠即留言「我搵到一個學習對象❤️❤️❤️Soooo touching」洪永城亦留言「I feel you man !!! 我見到將來嘅我。」