黃宗澤盼《新聞女王2》原班人馬開新劇 甘願由頭至尾被佘詩曼蝦 阿佘一表情露玄機

黃宗澤坦言：「拎到『大灣區最喜愛TVB男主角』嘅時候，諗住… 應該到呢度為止啦。所以之後坐喺度都好平靜，純粹享受個氣氛。直到三哥行出嚟頒獎… 心諗，好似有啲希望喎！原來，希望真係可以喺最後一刻翻生，三哥嗌我個名嗰一刻，我個心就快跳出嚟。」

黃宗澤指經過一晚心情平復了許多，不忘初心的他再次感謝前輩們的提攜：「好想認真咁再講多次：多謝你呀，三哥。喺你手上接過呢個獎，意義特別大。多謝《新聞女王2》團隊，多謝監製佳導、編劇，畀我呢個咁有得發揮嘅「賤人」角色。以前做咁多好人冇獎，做一次賤嘅就中，係咪暗示我以後條路…？哈哈

最想多謝嘅，係台下每一位睇住我大嘅前輩。志偉哥、珍姐、John哥、Liza姐等等……多謝你哋咁多年嚟對我呢個百厭星嘅包容。有時循循善誘，有時「惡言」相向，我知全部都係為我好。冇你哋，就一定冇今日嘅黃宗澤。仲有，一定要多謝樂小姐。多謝你一直當我好似親生仔一樣，軟硬兼施，成就而家嘅我。多謝所有同行、同事、觀眾同支持、愛錫我嘅家人朋友。呢兩個獎，對我嚟講，係一個好大嘅鼓勵，都係一個好重嘅責任。我會繼續努力做好戲，唔會令大家失望。感恩」

《新聞女王》1同2成績咁好，觀眾最關心的當然是會不會有第三輯，黃宗澤接受訪問時透露，就算不是《新聞女王3》，都好期待原班人馬可以再開新劇，更對佘詩曼表示甘願演一角色：「未必同一個故仔，我要演一個由第一集（被你）欺凌到最後一集嗰個人，等你有機會報仇。」一旁的阿佘聽完即可愛表情包大放送：「咁咪差唔多」！