/public/tvbcom/article/images/202601/3d5d745f-1264-4172-8965-a095179787f6.jpg)
《聲秀》十六強學員包括馮熙燮、柯雨霏、胡子貝、張津銘、徐惠晴、布子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬」將於本周日(18日) 晚上在麥花臣場館舉行《this is OUR STAGE》聲秀畢業演唱會。
一眾學員透過歌聲向一眾導師致敬，感謝他們無私的教導，一起齊心完成這個具有特別意義的畢業演唱會。
延伸閱讀：《聲秀》畢業演唱會舉行在即 胡子貝勤練決賽未能表演歌曲：對我嚟講好有意義！吳浩康現身打氣
/public/tvbcom/article/images/202601/43161ffa-e87d-4298-aa71-72704b1ec67e.jpg)
日前胡子貝、陸卓謙Jeffery和甄敏芳Jenny相約去了band 房，齊齊夾band夾得不亦樂乎。Jenny的導師蘇永康、子貝與Jeffery的導師吳浩康也到了band房探班，耐心教導三位學員如何做好得更好。
吳浩康說：「今次演唱會對你哋嘅要求嚴謹過之前做節目，因為你哋依家已經係專業歌手，以前比賽嗰陣如果有乜閃失都係決定你留唔留到喺度，但係今次演唱會真係對你哋有期望。」
蘇永康則指各學員也要做好自己本分，「呢個show始終唔係一個個人演唱會，有合作嘅部份，合作嘅部份其實係講求協調。今次係一個畢業演唱會，我首先覺得除咗要突出自己之外，都要突顯番過往呢八個月嘅友誼，大家互相扶持行過嘅日子，我覺得呢啲日子只會喺你人生出現一次，所以大家要珍惜。」
他續說：「以前你哋比賽嘅心態真係好似好想去serve評判，因為評判會決定你哋嘅生死，但今次我覺得作為一個專業歌手，做現場好需要去訓練就係你哋點樣同觀眾交流，而呢一樣嘢其實係經驗慢慢累積返嚟。我希望你哋每一個喺台上面嘅表現都係比你哋比賽嘅時候更加好，呢個係對你哋自己嘅交代，同埋對買飛入嚟睇你哋嘅觀眾嘅交代。」
三位學員亦把握機會詢問導師的專業意見，Jenny問蘇永康要如何適應由一個小舞台變成大舞台，蘇永康說：「以前我會同你哋講，你要想像第八行以後嘅觀眾都會聽到你唱歌，依家係要八十行以後嘅都要聽到。如果只係用同一個力量對晒咁多個場館係唔啱嘅，呢個經驗係要你哋自己慢慢去累積。」
Jeffery問：「如果我喺綵排嘅時候我個Ear Mon聽得唔好，我應該點樣做？」吳浩康說：「千祈唔好有任何不滿嘅樣出現。」
