女神配對計劃｜葉蒨文「三角枱約會」兩大港隊精英夾擊曾展望火花四濺 地獄賽制曝光低分者隨時被淘汰

《女神配對計劃》首輪配對環節—三角枱約會實況，主角是葉蒨文Sophie與她三位成功登陸的「求愛勇者」—曾展望GM、「金絲眼鏡房祖名」林堡熙Eddie及陽光男孩林澤謙，其中Eddie及林澤謙均為港隊，前者為閃避球港隊、後者為手球港隊，而這場「三角約會」雖然只曝光了3分鐘，但已感覺腥風血雨。

三位之中，率先進場的是阿謙，他與葉蒨文Sophie先是禮貌地互打招呼兼寒喧；當Eddie進場後，Sophie即介紹二人認識，當二人知道對方都是港隊時，竟不約而同露出「戰狼」般的眼神，Sophie見狀即搞笑說：「畀啲掌聲大家」，更邊說邊拍手企圖緩和氣氛，相當大方得體又機靈；而為了不讓任何一方感覺被冷落，Sophie全程落力兩頭擰，又笑言：「咦？死喇，我唔知望邊！」盡顯傻氣又貼心一面。

二人中較為進取的Eddie，除一來已大讚Sophie靚得健康自然，又主動出擊：「我都可以同你玩閃避球」，還邊說邊甜笑怕醜望枱：「如果你鍾意玩。」豈料卻換來全程表現謙厚的阿謙一句得埋去：「佢鍾意打網球。」Eddie聞言即露出鋒利眼神。正當二人戰意標升時，曾展望GM風度翩翩的進場吸引了全場目光，Sophie更開心得連環甜笑兼傻笑，GM亦乘機大讚女神「好靚」搏取好感。Eddie眼見GM進場贏盡頭威後，則忍不主酸溜溜謂：「GM一入嚟，我就覺得，喲！原來係同事，即係一早識嘅，咁應該會好多嘢講吖。」

節目尾聲，金牌媒人兼主持人林盛斌阿Bob出場，揭示了這場「三角枱約會」的潛藏規則，一個不留神，成餐飯分分鐘連女神正面都見唔到之餘，更有機會隨時被淘汰：「製作組根據Sophie揀偶條件set咗一啲考驗，每個回合贏咗嗰位，就可以喺嗰味餸度，面對面去了解同溝通多啲，另外兩位就唔好意思喇，淨係可以望住側或者背面。經過咗三個回合，最低分嗰個，唔好意思喇，係有機會被淘汰。」