女神配對計劃｜周嘉全人像素描力追心儀女神感動全場 李芷晴一個原因哽咽堅拒好友心意

在第一集《女神配對計劃》中，有無綫藝人為心儀女神勇敢踏上「招親」舞台，剛剛亮相的就是曾參與《鐵拳英雄》及《奪命提示》拍攝、入行超過十年的周嘉全！

之前在《花生搶先看》預熱節目中透露曾送畫向女神李芷晴（Step／Stephanie）表白的嘉全，在節目中展示了當年送給李芷晴的素描畫真身，並百分百真誠地示愛：「以前我遇到真心鍾意嘅女仔，我都淨係識得送幅畫畀佢…就算送完畀佢，我都唔夠膽承認自己鍾意佢。希望以後唔止係畫畫，想將時間同心機所有嘢都送畀佢。」成功惹起全場女神嘩然，葉蒨文Sophie及關嘉敏Carman更一度感動得眼泛淚光；全程直擊的「花生友」森美亦忍不住大大力讚嘆嘉全的真心：「毛管戙呀，好溫馨喎」、「畫得呢啲，肯定係愛得好深架喇！」

至於女主角李芷晴，則全程表現迷茫，她坦言從來沒有想過周嘉全喜歡自己：「佢不嬲有畫開畫，而佢送畀我之前，有畫咗幅男仔畫畀阿Ben（袁偉豪）嘅。」周嘉全現場被問到為何送畫一刻不馬上向Step表白時，他說：「我係喺地鐵（港鐵）站畀佢嘅，我畀完佢傾咗陣偈後，佢就話『我準備搵男朋友喇』，我之後就冇諗其他嘢喇。」說畢還大派冧到震愛的宣言：「其實（你）揀唔揀我，我一直都會咁欣賞你，而且我會相信你選擇幸福嘅能力。」葉蒨文聞言與關嘉敏齊齊感動至眼紅紅，Sophie：「我覺得佢好真心、好長情、好溫柔。」

李芷晴則全程心大心細、不知所措，掙扎了一大輪後，最終還是沒有選擇周嘉全。事後李芷晴哽咽：「我真係完全冇諗過佢對我係有意思，所以就會變咗好混亂…可能畀多幾秒我我就會撳咗，依家都少少後悔。」