女神配對計劃｜Babyface被梁敏巧拒愛難忍男兒淚 瀟灑宣布不再強求：唔得就係時候邁向下一個階段

今晚《女神配對計劃》播出的海選部分，除了林俊其向羅毓儀Yuki的真摯動人表白成為焦點，對女神梁敏巧Maggie窮追不捨的Babyface的終極結局，亦在網絡引發極大迴響。以奇趣見稱、被坊間指是「升呢回歸」的Babyface，出動完四大爆笑冧女絕殺後，終獲得梁敏巧認證、並邀請他上前表白；而Babyface亦即時收起幽默本色、向Maggie溫柔地說出情深的一句：「多謝你一直以嚟嘅鼓勵、包容，我會不停進步，我會未來對你更好。」說畢更馬上返回台上，瀟灑程度令現場其餘四位女神讚口不絕：「好真心呀！」

「如果今次失敗咗，咁就算數喇」

Babyface返回台上後，主持人林盛斌（阿Bob）正色問他會不會有放棄追求Maggie的一天，Babyface即堅定地表示今次會是他最後一次爭取：「如果今次失敗咗，咁就算數喇，我會尋找一段新嘅戀情。（Bob：講得出做得到？）冇問題吖！」Babyface有承擔的表現，令Yuki忍不住大嘆好Man，Maggie亦坦言感動：「尤其係佢最尾講咗一句好真誠嘅說話去多謝我。」

梁敏巧幾經掙扎忍痛拒愛 主動提議做朋友

經過一輪爆笑、情深而又感人的「Babyface求愛大作戰」，阿Bob轉向Maggie示意她是時候給出最後答案：「如果你選擇唔著燈嘅話，Babyface就可能喺你世界喺度從此會消失，呢個係佢一次最後嘅機會！」節目所見，Maggie於最後倒數五秒確實對應否選擇Babyface表現掙扎、更一度詢問其他女神意見，但最終她仍是決定拒絕Babyface，但仍不忘鼓勵Babyface謂：「你係好好嘅人，我哋以後可以做朋友。」得悉最後機會幻滅後，Babyface雖眼泛淚光，但仍信守承諾離開海選舞台：「多謝你（Maggie）鼓勵，我會轉移新嘅戀愛對象，做番自己能做嘅事情」、「好遺憾，但盡咗力，唔得就係時候要邁向下一個階段！」

對於Babyface由「求愛貼身膠布」、180度轉變成不帶走雲彩地灑脫離場的真男人，現場所有女神都為之動容，當中節目「搞笑／氣氛擔當」關嘉敏，更忍不住流下感性的眼淚，關嘉敏百思不得其解地說：「我為咗Baby Face喊？！我初頭覺得佢係Kam，但我發現佢企咗喺度好真誠咁同你講哩，佢真係認真架喎！」就連出名Mean的阿Bob及森美，亦對Babyface大大力正評，Bob：「我對你好大改觀，由開頭覺得古靈精怪，到今日覺得原來你係好認真嘅人。」森美：「佢唔係為咗炒作而鍾意Maggie架我覺得，臨尾佢話今次追唔到、以後就唔追，其實佢可以話繼續追架，但你見到佢唔係咁。」