:quality(80)/public/tvbcom/article/images/202505/e3d021fb-c045-4868-8c43-d59f280cf66b.png)
由梁芷珮（Christy） 擔任主持，一共十集的全新旅遊節目《南美潮什麼》，逢周一至五晚上10點半翡翠台播映。
昨晚（12日）一集，Christy終於抵達了玻利維亞的天空之鏡——烏尤尼鹽湖，她踏上這片一望無際的的鹽湖時，驚嘆的謂：「好夢幻，好似踩咗喺雪地！」藍天與地上雪白的鹽在地平線上交織就好似一幅畫。感受美景的同時她亦在鹽湖上露營，搭起了太陽傘和別緻的桌子，享用傳統的風乾羊駝肉、藜麥和芝士。Christy也感嘆的謂：「我哋呢幾日tour都係社區中心度開餐，食啲簡單嘅嘢，但係今日喺呢個地方，我覺得你淨係畀一杯水我，我都已經好滿足。」之後Christy 和老公 Kenneth 感受天空之鏡下的日落，亦有紅酒配美景！她興奮地提到：「今日係我哋21周年，我哋仍然都係sweet sweet！」
關於婚姻能保持到21年仍然甜蜜的秘訣，Christy透過TVB.com訪問表示：「我覺得我哋份工幫咗好大忙，因為去旅行係一個好放鬆心情亦都好開心嘅件，而我哋嘅工作係需要去旅行，我哋都飛得好密所以長期都keep住好開心。」亦大方分享對方性格：「咁但係本身我哋性格都開朗嗰啲嚟嘅，我哋咩都會攞出嚟傾，我哋都咁耐，所以我哋知道大家需要啲乜嘢，邊啲唔鍾意就唔講，傷感情嘅事都會避免。」在他們而言，旅行和溝通是相當緊要的維持感情方法。談到在工作時會否有分歧的時候，Christy亦都分享：「意見分歧我哋好老實講就冇乜，由開頭我我哋一齊入TVB做嘢，我哋都算係新，我叫做經驗多少少，因為我始終入TVB之前喺幕前都做過一陣間，喺唔係好了解幕前嘅時候，佢（Kenneth)都會喺我身上學到好多，同埋有時我哋又係關於旅行嘅content，出到oversea，佢又喺外國大，所以佢會熟悉啲，我亦都會好respect佢好聽佢講，每人都有自己嘅長處喺度。」她亦表示如果有意見分歧都會用傾偈溝通返。
在享受完天空之鏡的美景後，Christy還體驗了焗桑拿，最精彩的環節是雪鹽浴，用白雪雪的鹽鋪滿全身，還分享她的感受謂：「我而家覺得好舒服，啲鹽好重好似啲人踩我咁嘅按摩，啲鹽好軟好幼。」這一連串的鹽的體驗，簡直就好似一場豪華的自助餐！
