清談節目《MORAZ天然草本皮膚靈呈獻：Mayanne小喇叭》由新鮮出爐的「最佳女主持」麥美恩（Mayanne）擔任主持，曾展望（GM）擔任助理主持，逢周四、五晚10點半翡翠台播映。
今晚Mayanne將請來兩位同樣來自溫哥華的選美界好姊妹岑麗香及李亞男（Leanne）擔任嘉賓，開心share老公經及仔女經。Mayanne透露，與香香結緣是因為自己當年在溫哥華機緣巧合下做了溫哥華小姐褓姆，因而見證了香香的成長，更是香香婚禮的姊妹之一。Mayanne說：「嗰時溫哥華電視台請華姐褓姆，我in咗（面試咗），我當時係褓姆仔，要日日對住佢哋，所以我係睇住佢（香香）選，睇住佢贏，睇住佢成長。」香香亦親揭與Mayanne成為好友真相：「當你好trust一個人，你覺得佢real，咪可以溝通到！」
相當熟稔的Mayanne與香香後來東拉西扯談到結婚一事，Mayanne即自責自覺當年「背叛」了香香，到底咩大件事？Mayanne又爆料指，每次媽咪見完香香，返到屋企一定有說話聽：「我媽咪每次見完香香都話嫁得好，呢句聽完我火都嚟埋，意思咪即係點解我唔可學你，搵到好老公咯！」愈說愈激動的Mayanne更忽然大聲問：「我到底爭啲咩呢？」曾展望見狀即醒目以「五個字」化解危機，到底係乜？李亞男亦都無端端無厘頭拉咗王祖藍落水，仲搞到Mayanne即刻Malfunction，到底又係乜？密切留意節目。
