Mayanne小喇叭︱郭珮文自爆遭質疑假波　大拋高EQ金句應對Hater

全新清談節目《Mayanne小喇叭》由新鮮出爐的「最佳女主持」麥美恩（Mayanne）和曾展望（GM）擔任助理主持，節目由今晚（14日）起、逢周四、五晚10點半翡翠台播映。首集以「身材好是現今的流量密碼」做主題，邀來出名身材勁的堪輿學家麥玲玲、郭珮文（Juliana）和黃婧靈（波波）擔任嘉賓。榮升新咪神的Juliana同樣謙稱自己身材只是「過得去」，並自爆曾經是肥妹仔，她說：「後期減咗肥之後，有人讚我身形OK，都開心嘅！」玲玲姐好奇問她是否瘦身唔瘦胸時，Juliana即說：「有呀，都會縮（水）㗎！」

問到曾否被質疑是「假胸」？Juliana說：「好多呀，好多人會留言話假波。」Juliana隨即做出一個不在乎表情，並大拋高EQ金句應對Hater：「我可以點啫，又無奈，但我要向好方面諗，如果啲留言全部都係唔係咁好嘅嘢，我啲心情都會被影響。」絕非胸大冇腦之人！之後GM講到有研究指Y形及I形事業線有助分辨真假胸，屬有料之人的Juliana對此似乎不太同意，並指自己能Y、I隨時切換：「托起咪就係Y，齋唧咪就係I囉！」