2025港姐特訓班｜7號施宇琪獲讚笑容甜美 大談「混血兒優勢論」展現數口精一面

7號施宇琪一招令現場四位師姐為之驚艷！朱凱婷問施宇琪會否覺得身為混血兒有優勢，施宇琪大方淡定回應：「可能啩，因為如果啲觀眾見到我彈古箏，一定會好有印象。我細個點解咁勤力學中文，因為我發現我中文成績好，真係會好多人留意到，有個反差真係可以幫到你突出自己。」麥美恩聽畢大為讚嘆：「嘩！你計算太精準喇！」謝寧亦忍不住大讚：「好犀利！」

四位師姐除大讚施宇琪自信淡定，又大讚她笑容甜美。為了參選港姐立定決心減肥14公斤的施宇琪，在節目中再度展現驚人意志及毅力，由於施宇琪即場挑戰報讀免責聲明時表現未如理想，施宇琪事後即表示要不停錄影自己說話時的情況、直到可以改善問題為止。

「特訓班」內容其實相當多元，除了四位港姐師姐，還請來了藝訓班戲劇導師鄧智堅，先後與2號甘詠寧、4號莫凡及5號曾閱遙挑戰《愛‧回家之開心速遞》、《新聞女王》及《男親女愛》中的經典場口；當中接到要喪打鄧智堅任務的曾閱遙，演出期間雖忍俊不禁，但全程打堅叔打得十分過癮，喜感爆燈，獲陳法蓉大讚可愛。而1號李尹嫣，則負責表演獻唱《喜歡你》。坦言想做歌星的尹嫣，原來之前曾報名《聲秀》、可惜最終66強止步。對於尹嫣唱功，陳法蓉給予正評：「一定要畀啲掌聲佢，我聽到你把聲真係好驚，但把聲本身都幾好聽。」