烤雞食譜｜派對之選 橙香青蔥烤雞｜傅季馨

今集《流行都市》「睇餸食飯」環節有傅季馨教大家整「橙香青蔥烤雞」，大家一齊嚟試吓啦！

橙香青蔥烤雞

材料：

雞1隻，蒜頭2瓣，橙汁100毫升，橙皮蓉2湯匙，青蔥4條，蜂蜜2湯匙，豉油2湯匙，幼鹽1茶匙，黑胡椒碎1茶匙，乾百里香1茶匙，煙燻紅椒粉2茶匙

西班牙杏仁番茄醬：

橄欖油50毫升，杏仁片75克，白麵包1片，蒜頭1個，罐頭番茄200克，乾辣椒碎1茶匙，紅燈籠椒1個，茄膏1湯匙v紅酒醋2湯匙，鹽 適量，黑胡椒粉 適量

做法：

用啲現成嘅橙汁唔夠香，要鮮榨先夠清新。

見到雞胸就反轉，喺雞嘅背部沿住邊開一刀，用剪刀剪開都可以。

將醃料倒入雞嘅內部，最小醃製一個晚上。

剩餘醃料不能一次過到入，在焗嘅時候分開倒入，大概3至4次。

杏仁可以切碎再烤香先，與番茄一齊先煮煮。

先用攝氏160度焗10分鐘，雞皮開始乾身，就可以再加入醬汁/醃料。

再用攝氏160度焗30分鐘，低溫烤焗可以令雞隻多汁嫩口。

最後用攝氏200度焗5-10分鐘，雞皮金黃就可以喇。

紅椒放入焗爐烤至表皮焦黑，令皮肉分離。

醬汁可以配搭其他食材一齊享用都可以。