《愛．回家之三代同糖》開鏡在即！52歲車婉婉抽空享親子樂 激罕晒水着騷逆齡Body

趁着正式進入劇組前，婉婉即時抽空陪伴仔仔 BBQ，並大晒旅遊花絮照，溫馨留言：「Q MaMa & BBQ Summer Trip(母子篇) 🌈❤️🌈 在全情投入做一個有女有孫嘅角色之前，婉婉偷出少少時間，先做好 9 歲 BBQ MaMa 呢個角色，旅程中解釋比 BBQ 先生知道 MaMa 將會超忙碌，呢次可能係未來日子少有的旅行⋯ BBQ 先生初步表示明白，但係我諗佢其實未必想像得到，因為⋯ 我自己都想像唔到🤣🤣🤣 Anyways，非常感恩，短短幾天內旅程天氣一流，兩母子同朋友仔都好 Relax、好開心⋯大家好！由今日開始，演員婉婉正式埋位⋯《三代同糖》❤️唐曹家冰❤️Action🎬」

旅程中，車婉婉同仔仔玩得不亦樂乎，除了去沙灘外，還去了水上樂園遊玩。值得留意的是，此行車婉婉換上了多套水着，大晒健美身材，狀態大勇的她完全看不出已經 52 歲！照片隨即引來網民大讚，紛紛留言驚歎：「美魔女」、「身材好Fit！」、「索呀！、「吓？真係過咗50歲？」