:quality(80)/public/tvbcom/article/images/202605/629ef53c-490e-4dc6-8e54-f3e9c69daeb3.png)
《海馬牌床褥呈獻：魔音女團》今晚（5日）播出第三集，16位「魔女」分成4組為初次表演努力集訓，《最緊要快》組喬美莎、莊子璇、陳熙蕊、葉靖儀，《買得到》組有蔡華英、李尹嫣、穎喬、廖慧儀，《綠野仙蹤》宋宛穎、盧映彤、鄧凱文、倪嘉雯，《你瘦夠了嗎》組倪樂琳、王汛文、俞可程和邢慧敏。
身為班主任的陳奐仁、陳潔靈落力訓練16位「魔女」，兩位教學風格大相逕庭。向來嚴格的陳奐仁化身地獄老師，在節目中狂拋惡死語錄，包括「做歌手唔係要人聽到，係要好聽」、「你聽吓，冇食嘢嘅人，唱歌就係咁（指蔡華英）」、「聲質咁靚嘅人，點解會咁Hea？（指莊子璇）」、「如果呢個人唔認真做呢件事，呢個人唔應該喺度」，還有令人摸不着頭腦的「見到你哋開結鬆毛鬆翼，個問題就喺度，你哋冇奮鬥，做得唔好有兩隊會Foul。」陳奐仁坦言：「我身邊啲人同我講，我認真嘅時候，我係幾恐怖。」
相反，陳潔靈絕對是天使的化身，為16位「魔女」狂灌心靈雞湯，其中陳潔靈要求一班靚女唱歌時要展現笑容，倪嘉雯求教「笑住點擘大口唱」，陳潔靈笑笑口解釋，說：「呢個難，但我相信你哋完全做到，因為你哋係靚女。」為16位魔女打強心針。
