香港小姐2026｜5大主席評判分享評審準則 望眾佳麗淡定享受舞

全城矚目的選美盛事《2026香港小姐競選決賽》將於今晚 8 時隆重舉行。今年大會評判由著名時裝設計師馬偉明先生(主席評判)、香港 QMark 優質標誌局主席陳嘉賢教授太平紳士、仁濟醫院董事局主席羅穎怡女士、香港工業總會主席林世豪先生、世界著名香港男高音莫華倫博士擔任。

問到他們有何評分準則？馬偉明先生接受tvb.com獨家訪問表示：「基本上係樣貌同身形、高度，最緊要係談吐大方得體。（邊方面會特別注重加分？）我覺得佢哋要有自信，真係要當自己係香港小姐贏咗嘅感覺，令大家留下印象。」

談到有何貼士給眾佳麗，他說：「我覺得唔好太瘦，但依家太遲。（笑容多啲係咪加分位？）我都有同佢哋傾過偈，佢哋大部分都好有自信心，對答好流利。」

莫華倫博士則指香港小姐除了美貌外，還要有才華，因此十分期待她們的才藝表演。

問到表演音樂是否會特別加分，莫華倫博士說：「最緊要係睇佢哋選嘅才藝發揮得最好，因為現場發揮係非常重要，一緊張好容易失手，希望佢哋自然發揮同放鬆。」又提醒眾佳麗一定要淡定。

林世豪先生的評分準則就表示「靚、聰明同埋表現要好，好期待佢哋嘅表現。（身形同笑容方面？）都好緊要，企出嚟嘅體態，笑容夠唔夠甜美，打唔打動你嘅心。」又叫眾佳麗要鎮定，展現最好的一面給大家。

至於陳嘉賢教授太平紳士指除了智慧與美貌並重外，「仲要睇埋佢哋可唔可以成為我哋香港嘅代表，我會比較注意佢哋嘅談吐同埋展唔展現到香港嘅情懷畀大家。」

她又指望見到她們輕鬆大方呈現到自己的一面，並叫眾佳麗一定要做自己。

另外，羅穎怡女士則指很注重她們的言行舉止和談吐，「希望睇到佢哋呈現優雅有氣質嘅一面。」

她又指今屆佳麗質素很高，「有好多佳麗話佢哋選完港姐後希望回饋社會，幫助香港強弱勢社群，我覺得好感動。」又指望她們享受今晚的舞台。