:quality(80)/public/tvbcom/article/images/202507/2a9ce532-990e-4dc9-98cf-3951faf9c46f.png)
《2025香港小姐競選》14位佳麗今日（16日）首次會晤傳媒，8號岳凡荻Fandi，今年23歲，大學畢業，報稱是全球出口助理。樣子甜美的Fandi身高166cm，體重53kg，身形比例不俗。而Fandi的興趣是跳舞、拉大提琴、滑浪和騎馬，動靜皆宜。岳凡荻的MBTI是INFJ ，志向是「希望成為一位有正面影響力的女性。」
延伸閱讀：香港小姐2025入圍佳麗名單｜14強佳麗首次會晤傳媒 現場盛況直擊
其實Fandi在首輪面試現身時已經搶盡風頭，皆因她自稱是「岳飛後人」，由於背景過於強勁，不少網友提出質疑。有見及此，Fandi在社交網霸氣晒出「岳氏族譜」，並說：「多謝大家關心！自從參選以嚟，好多朋友對我自稱岳飛後人嘅身份有疑問。其實1st in（初試）之前，我根本冇諗過會講呢件事。嗰日答『邊個Ngok』個問題時，講咗出嚟，咁啱有記者問你係咪岳飛後人？我就答係第35代，最後變成熱議話題。既然我敢講出口，就肯定唔會係流料㗎☺️！參選嘅意義就係要展現真實自己，發掘更多可能性。希望大家唔好只focus喺呢個title，可以睇多啲其他方面嘅我🥰多謝晒！」
翻查Fandi社交網，見她不時到世界各地旅行，英國、匈牙利、荷蘭等地均留有她的倩影，認真識享受。此外，Fandi曾上載畢業照，並Hashtag「倫敦大學」，留言：「最近出差點了倫敦，到學校逛了逛，時隔大半年，像是變成了真正的大人。」
+2
