:quality(80)/public/tvbcom/article/images/202606/c41d7c16-4449-4b3e-9448-138eea789bb1.jpg)
由黃翠如和洪永城（Tony）主持的《走過歷史大地》將於今晚（15日）9點半首播，日前（13日）二人與一班幕後團隊舉行慰勞宴兼齊齊率先觀看第一集。
翠如與Tony感謝幕後團隊為節目付出的努力，令出街的畫面更豐富，Tony笑言：「將我哋一個冇趣嘅人入到AI變得好有趣」翠如則說：「好驚我哋實地拍攝會比較失色」。
翠如更大爆Tony自言「行緊大運」，因此一定有好收視，令全場笑爆嘴。而且，二人率先觀看第一集時全神貫注，對融入的AI技術讚不絕口。
延伸閱讀：走過歷史大地｜洪永城黃翠如玩轉72變造型 走過二次世界大戰兼參與搭建金字塔
走過歷史大地｜洪永城衝上雲霄喜極而泣 黃翠如頂37度高溫徒步邁向金字塔
/public/tvbcom/article/images/202606/2c3c5662-d947-402f-943d-cac67065951a.jpg)
今次乃是黃翠如和洪永城相隔7年再度合作做節目，二人接受tvb.com獨家訪問透露也磨合了兩日才重拾昔日火花。翠如說：「我哋同呢team人都係第一次合作，所以大家都要互相磨合，我哋講嘢係點樣同埋我真係好耐冇開工，我都好緊張 ，甚至同導演講想睇playback，睇吓我哋兩個一齊嘅節奏或者我哋出嚟嘅火花 ，有冇好似以前咁，所以頭兩日我哋一直都喺度搵緊。」
Tony均表示過了兩日默契已回復以前的9成，問到是否包括串翠如， 他笑言：「梗係有，呢9成係包埋恰佢， 當然都係充滿住窩心嘅恰，希望觀眾會覺得得意同搞笑。」
/public/tvbcom/article/images/202606/408d03eb-d140-4c73-8eb6-cd5cd73e1b23.jpg)
二人對節目中的AI技術有讚無彈，Tony表示感到十分滿意，「 我覺得由現代轉變到古代，古代去番現代嗰啲transition 做得好好，簡直係非常頂級高水評。（係咪對自己AI嘅body好滿意？）同現實差少少，現實好啲。」
翠如坦言初時對AI與歷史放在一起有點兒擔憂，惟見到出街的畫面感到很驚喜，「我覺得幕後團隊嘅功勞好大 ，唔單只呈現AI歷史，仲將我哋嘅性格放入去，裏面仲要有劇情就連我哋嘅造型都不停咁轉，所以我一路睇真係覺得佢哋好勁。」
她續說：「第一集講金字塔，後面仲有歷史人物嘅小訪問，我覺得AI穿插得好有用， 因為我哋現實睇唔番古代點樣起 ，但節目就利用AI 話畀你聽點起 ，而並非為AI潮流而做。」
當中Tony一嘗滑翔體驗更感觸流淚，他直言「真喊」並非做戲，「我一上機已經眼濕濕，全程好感動，我之後分析番因為我好耐冇試過好刺激嘅嘢 ，所以好感觸， 真係要去多啲旅行重拾對人生嘅激情 。」
另外，今次他們分別走訪意大利羅馬、英國倫敦、法國巴黎、埃及開羅等地，問到二人最難忘的地方，翠如指最喜歡是埃及，「以前讀書有讀過點解要包mummy，甚至睇電影都睇過，但今次因為AI嘅關係，我哋有份現場睇 ，好似喺歷史入面有份見證，我覺得好精彩。」
至於Tony自言到意大利最令其難忘，全因他能一嘗做「角鬥士」，「 《帝國驕雄》係大部分男士心目中最佳嘅電影 ，大家都想成為角鬥士， 我今次喺裏面做到角鬥士 對付猛獸同埋參與古羅馬歷史呢一刻，我覺得人生已經無憾。」
