走過歷史大地｜黃翠如巴黎羅浮宮攝唔停 洪永城「屎橋」惡搞最佳拍檔

翠如踎低幫工作人員打卡羅浮宮

拍攝杜樂麗花園後，身穿短裙的Priscilla踎低，細心幫攝製隊逐一拍照，同羅浮宮打卡，畫面溫馨有愛。趁拍攝空檔，兩位還不忘給小朋友準備禮物，Tony購入兒童用餐墊，而Priscilla買了一件適合2歲小朋友的衫，等囝囝哈哈長大穿。

洪永城黃翠如互窒爆笑

兩位主持到訪巴黎鐵塔，乘搭運行了過百年的電梯時，Tony搞笑聲稱找到鐵塔的最佳觀景位，指可以從電梯罅隙睇風景：「呢個位最好，風景好正呢？」，Priscilla一臉無奈道：「對唔住啊大家，洪永城講嘅嘢全部都係廢話嚟嘅！」。而當Priscilla於塞納河阿爾科萊橋（Pont d‘ Arcole）拍攝靚相時，Tony就化身「整蠱大王」，不時騷擾對方：「你頭上好似有篤屎喔！」、「好靚啊，阿婆！」，Priscilla聞言笑到肚痛，相當爆笑。