萬千星輝頒獎典禮2025｜吳業坤剖白奪獎感動原因入行近16年未敢放棄圓夢：十年前第一次提名

點讚

撰文：柔娛絲

發佈日期：2026-01-06 10:15

吳業坤在《萬千星輝頒獎典禮2025》勇奪「飛躍進步男藝員」，他在台上台下也激動落淚。今日（6日）他平復心情，在社交網剖白奪獎感動原因，更晒出與多位視帝好友合照，包括馬國明、陳展鵬、陳山聰、張振朗及周嘉洛，大家也替其感高興。

吳業坤直言能夠奪得「飛躍進步男藝員」獎，絕對圓夢，「由細到大睇電視覺得呢個獎係屬於好努力嘅藝人，由十年前第一次提名開始到十年後嘅今日終於攞到，好似實現咗細個嘅夢樣一樣。咁而呢個獎你幾叻都好其實一世人會過左時間同只可以攞一次。」

他指入行近16年未敢放棄，感謝多年來照顧其的人「呢程車我搭咗接近16年，中間唔夠膽嗌落車，兜兜轉轉終於攞到呢個獎。多謝識照顧我嘅所有人，由超級巨聲2開始，第一次拍攝旅遊嘅廣州闖蕩，第一次拍攝劇集嘅法網狙擊，音樂節目、兒童節目、做棋、愛回家、跨世代、迷同等等等等。」

他自言有此經歷才會成就今天的他，並勉勵同路人不要放棄，「有啲人贏在起跑線，有啲人由小嘍羅開始，但人生沒有終點，繼續爭氣，繼續行落去，一定會見到你所想見的風景。」

最後吳業坤表示「15年前嘅坤哥可能代表係搞笑同埋低能，15年後希望可以加多一份認真同埋專業。多謝你哋，我會唱每一首歌做好每一個角色。」

主頁