聲秀｜馮熙燮深情演繹《不來也不去》奪全場最高分 冼奕瑜開學+比賽壓力爆煲落淚

排練期間馮熙燮獲張敬軒愛將Yoroko教路如何投放感情，導師蘇永康則坦言馮熙燮雖然基本功很好，但反而要注意基本功太好而引發的「後遺」：「我係要梳理佢，唔好拎邊啲（技巧）出嚟，希望佢真係可以做到用感情嚟帶動技巧，而唔係用技巧嚟帶動感情。」經過Yoroko及蘇永康的用心調教，馮熙燮正式表演時以充滿故事式的聲音演唱《不來也不去》，結果勇奪最高分之餘，亦獲評審好評。

今集另一焦點是鍾舒漫組的冼奕瑜Jasmine，過去兩輪以跳唱方式參賽的她，今集再挑戰全新風格舞蹈、轉玩可愛Tone獻唱《熱愛島》。台上冼奕瑜晒冷青春、活潑、可愛三大優點，成功炒熱全場氣氛，連隔籬組的導師阿公亦被感染，阿公：「我爭啲想上台跳，感染力好好。」

雖然冼奕瑜在台上表現輕鬆兼揮灑自如，但其實排練期間面對極大壓力，由於比賽前夕撞正新學年開學，需趕交大量essay之餘，還要抽出大量時間排練，令冼奕瑜一度壓力爆煲落淚。