聲秀｜蘇永康孖甄敏芳合唱《來夜方長》獲讚唱功再有進步 遭學員踢爆比賽當日1貼心舉動

蘇永康貼心打氣語錄：爸爸is everywhere

在第一Round已被公認為「Daddy」的蘇永康，與學員甄敏芳Jenny排練《來夜方長》時繼續發揮無微不至mode，給予甄敏芳滿滿的情緒價值。自少缺乏讚賞及自信的甄敏芳，坦言蘇永康的鼓勵及肯定令她叉足電：「原來有人認同係咁樣嘅。」蘇永康則語重心長謂：「希望佢透過呢個比賽，可以遇到多啲同路嘅朋友，佢就會知道更多自己長處，或者短處喺邊度。」蘇永康表演前更貼心叮囑甄敏芳、並以「爸爸」自居：「你唔好當我喺身後，爸爸is everywhere。」

二人表演完畢後，甄敏芳繼續大爆阿公貼心行徑：「我其實每次唱歌之前都會好緊張，所以我就會唔食嘢。但佢今朝竟然特登買咗個早餐畀我，真係好感動。」最終，將表演主題定為「爸爸看著愛女出嫁」的二人，被取笑唱出來的感覺像「爸爸娶了女兒」，而搞笑的是，率先贏得正評的，竟是蘇永康本人，舒文：「（阿公）比當年唱得仲好咗。」想見識蘇永康更上一層樓的唱功，密切留意周日晚播出的最新一集《聲秀》。