:quality(80)/public/tvbcom/article/images/202508/592c2d1f-6201-4edd-ad44-faf53162b404.png)
《聲秀》昨晚（24日）播出第五集，譚耀文組派出考獲了英國倫敦聖三一音樂學院的LTCL鋼琴和聲樂文憑、還是香港中文大學音樂系首位視障畢業生的蕭凱恩Michelle，為胡港豐Andrew演唱的《笑忘書》伴奏鋼琴兼和音助攻。由於Michelle天生擁有超級靚聲，獲Eric Kwok聽後大讚：「和音好Solid！」陳奐仁（Hanjin）亦正評：「（Andrew）把聲好好聽，後半節唱得好好。」導師譚哥對組員的表現亦讚不絕口：「100分！我哋喺最低分嘅時間，你哋都能夠保持到咁冷靜嘅演出，對我嚟講已經係做到最好。」
+2
最終阿譚組獲得76分、成功谷底翻身全員進級，十分着緊學員的譚哥得知結果後激動落下男兒淚：「佢哋真係好努力，我真係好擔心、真係好擔心，尤其是Michelle好勇敢去挑戰自己，挑戰唱一啲自己唔擅長嘅歌，多謝佢好信任我。」場面感人。
+3
今集有三位學員遺憾止步，分別是鍾舒漫組的張欣翹Luna、吳浩康組的趙一霖（阿霖），及劉浩龍組的鄧偉謙Theodre，而淘汰的重任，則落在五位評審手上。淘汰環節氣氛凝重，一霖被淘汰時內疚爆喊，吳浩康亦忍不住流下男兒淚，並以普通話安慰一霖：「你今天的分數是你今天的分數，代表你今天的表現，不代表你的人生。」最後更情真意切地鼓勵一霖：「我只係想你繼續唱歌咋，可以嗎？」導師鍾舒漫亦眼濕濕安慰被淘汰的Luna：「睇到你真係好用心、我好希望將來可以喺台上見到呢個你，因為你係好有potential。」
