:quality(80)/public/tvbcom/article/images/202510/f31ea346-2b7a-4047-8f21-079c2cc70f38.jpg)
合共兩集的《聲秀》準決賽，將在本周日（19日）及下周日晚上8點翡翠台播映。成功躋身準決賽舞台的9位學員，在第一個回合面對的挑戰主題為「突破回合」。兩個回合結束後，將有4位學員落入危險區，決賽8強將於下周日節目正式誕生。
+1
甄敏芳成熟Tone唱《空港》
今集搶焦位落在三大「黑馬小花」—甄敏芳Jenny、周智敏Emily、林潔心Bibi，三人齊齊破格大玩蛻變。先說「顏值擔當」 Jenny演繹《空港》，以成熟造型登場的她，以高踭鞋配黑絲短襪大晒長腿、修長比例Fit到爆。Jenny演唱完畢後更感性表示：「好奇妙旅程，都唔知今次係咪最後一次企上舞台。」
周智敏歌德風大跳椅子舞
另一位黑馬是胡鴻鈞組的周智敏Emily，以紅色長髮配透視喱士裙登場的她，一身歌德風格造型已極度驚喜；而向來予人感覺「乖乖女」的她，竟出乎意料玩「自摸」兼大跳性感椅子舞，期間舉手投足及眼神均散發著誘人魅力。
林潔心日夜苦練跳唱《等一個他》
至於劉浩龍（師兄）組的林潔心Bibi，則首次挑戰跳唱《等一個他》，甜美活力全開；為跳出Comfort Zone，師兄指Bibi排練頻密程度直達瘋狂：「你喺21歲做咗一件好瘋狂嘅事，佢呢十日係冇娛樂過，日日自己一個人匿喺排舞室十個鐘，一個唐三藏咁搭地鐵買飯都拎住支Mic Stand…成日夜晚Message喊晒話唔知做緊啲乜，跟住我個答案都只不過係：『係咁架啦』。所以你無論咩分數，你喺我心目中都係100分；你攞呢個態度、以後無論做乜，都會比其他人優秀。」
+3
今集演唱歌單
甄敏芳Jenny《空港》、蕭凱恩Michelle《粉紅色的一生》、胡子貝Matt《老派約會之必要》、周智敏Emily《烈女》；林潔心Bibi《等一個他》、穎喬 Ziva《驗傷》、馮熙燮Ryan《伸縮自如的愛》、柯雨霏 Ophelia《沙門》、布子殷（布子）《潛龍勿用》
