/public/tvbcom/article/images/202508/708f1eb1-0f85-45ea-9b92-704c7cbb968c.jpeg)
《聲秀》昨日（4日）晚一集的最強學員，是獻唱《給你幸福 所以幸福》的馮熙燮Ryan，除獲得「四黃一紅（燈）」好成績，並獲導師們高度評價，其中蘇永康（阿公）專誠為馮熙燮留起「王牌」紅燈之餘，還在馮熙燮唱了數句後即撳紅燈！原來蘇永康早於海選時已對馮熙燮「一聽難忘」，還忍不住回家向太太大讚馮熙燮，當時蘇太的回覆是：「我都估到你鍾意佢。」蘇永康更以「靚布料」形容馮熙燮擁有靚聲，勁有詩意：「唱歌嘅技巧就等於一件衫嘅剪裁，剪裁可以變，但聲線同聲底就係嗰塊材料。我好喜歡呢塊材料，如果材料係好嘅，我想點樣剪都有個可塑性。」
其他導師亦對馮熙燮讚不絕口，泳兒：「你唔係嚟比賽，我覺得你已經係表演緊喇。」劉浩龍：「直頭有啲蘇永康嘅風格添。」說畢向右揮一揮拳，再笑問阿公：「嗰吓似唔似呀？所以係屬於你㗎啦。」蘇永康對此幽默回應：「佢型啲添！」胡鴻鈞Hubert雖然同樣對馮熙燮情有獨鍾，但為人貼心的他，認為馮熙燮跟阿公會有更多得著，故決定大方「讓愛」：「呢個比賽應該focus喺學員，我會幻想你跟邊位老師得著最多，一定係阿公。」至於譚耀文則最搞笑，由於太投入於馮熙燮的演出，他竟忘記了要撳燈，但事後為了給馮熙燮一個讚，仍決定補撳燈，相當有趣。
本集另一值得留意學員是16歲的司徒泆（Haru），青春感十足地熱舞跳唱郭富城經典歌曲《Para Para Sakura》，配以自信moonwalk，表現亮眼。由於去到揀人中段，導師們開始手緊，故司徒泆雖然表現不俗仍沒有獲得導師撳燈，但難得的是，他依然保持開心笑容繼續表演下去，表現可嘉。對於司徒泆的體育精神，鍾舒漫（Sherman）大讚：「裏面走出嚟嗰份開心同自信係好難得，你聲線跳唱嘅時候好實淨同埋好響，見唔到燈唔好太過擔心。」鍾舒漫最終果真由危險區救出司徒泆，令他順利躋身21強。至於顏值備受網民正評的喬美莎Chelsea，最終慘被淘汰，喬美莎為此哭至梨花帶雨，但她仍堅持不放棄：「這還是我的夢想，所以我會繼續努力。」有網民直指喬美莎樣子靚爆鏡，紛紛鼓勵她下年報名參選港姐。
4位學員遺憾止步
最終，本集被淘汰四位學員為：文雅姿（Xylia）、陳芷晴 （Isabelle）、溫俊祥（Johnson），以及喬美莎（Chelsea），剩下21強成功晉級！
