聲秀｜譚耀文助蕭凱恩跳出Comfort Zone 選唱《講男講女》獲原唱露雲娜激讚

譚耀文幫蕭凱恩「跳」出安舒區

今集焦點落在兩位「Daddy系導師」—譚耀文（譚哥）及蘇永康（阿公）身上。先說譚耀文，為了令擅長演繹Classic曲風的視障學員蕭凱恩Michelle迎來突破、跳出Comfort Zone，譚耀文專誠為她挑選了R&B曲風的《講男講女》，當中尤以節奏感＋律動動作最具挑戰性。

對於蕭凱恩勇於接受挑戰及一再努力苦練，譚耀文大讚：「佢好勤力、好乖。」譚哥除親臨蕭凱恩屋企附近進行一對一指導，還託音樂界好友找來歌曲原唱者露雲娜親臨錄音室教授蕭凱恩，相當有心！露雲娜席間向蕭凱恩大派定心丸：「You can do so well, I am sure」，令蕭凱恩相當感動。

原唱露雲娜預告周日晚開電視支持蕭凱恩

事後露雲娜接受官方訪問時，繼續對蕭凱恩讚不絕口，並揚言周日晚一定要開電視支持蕭凱恩：「首歌唔易唱，我第一次聽Michelle唱我好開心，因為佢好乖、練熟晒啲歌詞，同埋佢把聲同唱功都非常之好」、「我好鍾意佢，佢好開心正面同真誠，好感動到我，個人真誠唱起歌上嚟都特別好聽。」

手緊王「趙增熹」大讚蕭凱恩

經過譚耀文細心安排的一連串特訓後，蕭凱恩上台表演一刻不但揮灑自如、還以曼妙的歌聲俘虜了現場評審的心。手緊王「趙增熹」：「我一聽到佢（Michelle）開口係好大嘅surprise，係一把新嘅Michelle嘅聲。」郭偉亮：「你有晒感情、氣聲、轉音、好多Tone，好interesting，同埋最主要你係有passion。」值得留意的是，譚耀文表演期間，為了給予蕭凱恩精神及實際支持，一度溫柔地騰出手臂讓蕭凱恩翹住，畫面溫馨。