綜藝節目神秘試映會｜王敏奕葉蒨文「男友視角」式收神秘請柬 阮浩棕以為係大整蠱？

眾人之中，以Mayanne收到神秘請柬時的反應最爆笑，她先是留言：「睇我個樣 就知我好期待喇。唔好問我咩嚟，最後點處理？」而根據Mayanne上載的「拆柬片」中，她對於收到請柬全程表現莫名其妙，更不時「抖動」信封，看看是否內藏其他玄機，並忍不住衝口而出說了一句：「神咩秘呀？餅卡都冇張嘅？」勁爆笑。至於林秀怡及黎諾懿，亦與麥美恩一樣懷疑是否有人「另類請飲」：「係咪有人結婚呀？」至於與Mayanne Friend爆的許文軒，則以「神秘人入侵」Locker為主題拍片，仲要同場加映「疑神疑鬼」樣，同樣有創意。

至於同樣可愛的，還有王敏奕與阮浩棕。近日忙於拍攝新劇的王敏奕，於化妝期間收到請帖，雖然感覺仍未化好妝，但依然靚爆鏡。對於眼前突然殺出一張帖，敏奕一嚟即露出Gfable式甜笑，並全程驚喜又開心地研究請帖，情緒價值爆燈。而阮浩棕則一見帖即問：「整蠱嘢嚟嘅？」，相當有綜藝感。

話明「試映會」，又點可以冇《試真D》嘅美儀姐呢？美儀姐收到請柬後的第一個反應是：「咩嚟架？」並搞笑挑機：「有冇我哋《試真D》咁勁先？」之後再疑似爆料：「好啦！提攜吓後輩都要嘅，去啦。」