真相猜·情·尋｜錫安教會前公關踢爆3大荒誕內幕 7年臥底生涯因1事毅然退教

錫安教會內幕一：食太陽？

事源1996年，錫安教會牧師梁日華大力推廣信徒飲用35%高濃度雙氧水「治百病」，事件轟動全城。當年警方介入調查，搜出大量雙氧水並拘捕牧師及骨幹，惟其後不被起訴。資深信徒阿威經朋友介紹後加入錫安教會，他透露自己沒有飲用過雙氧水，卻被逼無奈「食太陽」？他說：「即係睇太陽當食物，其實我都覺得幾詫異，唔著鞋喺沙灘或者喺泥地，望太陽10秒，每一日遞增上去，去到45分鐘，佢嘅理念就係睇完太陽就可以令到你可以吸收啲能量，你就可以唔食嘢啦。」

錫安教會內幕二：末日逃亡論

雙氧水事件後三年，正值全球擔心「電腦千年蟲問題」（Y2K），教會大肆宣揚末日論，前信徒Sam就曾被迫購買教會的末日食物為危機儲糧：「2萬幾蚊買一包咁嘅嘢，完全係唔抵！」類似末日逃亡的事件不止一次，2011年教會擔心彗星撞香港組織走難上大帽山，又驚受日本地震海嘯侵襲，逃難到東莞…..規模越來越大，最近一次「末日活動」是7月5日，最後都不了了之。

錫安教會內幕三：傳媒有害論

教會視傳媒、娛樂、音樂、玩具等為「魔鬼的化身」，曾有年齡較小的信徒受其影響堅持唱唱教會聖詩參加校內比賽，而阿威質疑梁日華講一套做一套：「玩具係唔可以玩嘅，但佢又玩返高達。」

曾任教會公關的楊子聰這樣形容教會：「接觸好多偏方，總之有正路嘅東西，佢就會搵一個另類嘅方式解決同樣嘅問題，咁樣代表咗佢哋標奇立異，代表有獨特嘅價值啦。」越接近教會權利核心，楊子聰越發現不尋常，他並沒有一走了之，反而化身「無間道」潛伏教會七年搜證。直到2003年沙士後，教會又透過免費補習形式向千名中小學生鼓吹飲用雙氧水，以及帶他入教的教友患癌，用雙氧水醫病離世，被教會嚴令公開討論，重重打擊下2005年他毅然離開教會，成立組織協助約十人擺脫教會控制。