真相猜·情·尋｜丁珮罕有受訪回應世紀謎團 剖白與李小龍關係 親揭隱瞞死亡地點背後驚人真相

丁珮剖白與李小龍關係：係佢追我

1973年7月20日深夜，傳奇巨星猝死於台灣女星丁珮寓所，震驚全城。回憶與李小龍的相識經過，丁珮坦言透過鄒文懷認識，當時李小龍的太太蓮達亦在場。談及與李小龍超友誼的關係，丁珮強調是對方先追求自己：「咁係佢追我啦，唔通我追佢呀！」丁珮亦大讚李小龍是一個很有魅力的人：「整個世界都鍾意佢，咁我唔鍾意佢都唔正常啦，因為佢係一個好有魅力嘅人，佢鍾意我佢覺得我哋有緣，或者情人眼中出西施，人哋話我唔好，佢覺得好。」丁珮自揭將自己的髮型師介紹給李小龍，對方的髮型到服裝都是自己一手包辦，在片場人們都背後稱她為「小龍女」。

李小龍死亡地點兩個版本真相

根據丁珮在事發後兩星期錄得口供，提及李小龍猝死之夜詳情：

• 1973年7月20日下午5時，李小龍下午上丁珮家
• 1973年7月20日下午7時，李小龍頭痛，吃了丁珮給的止痛藥後，進入丁珮房間休息
• 1973年7月20日下午9時45分，鄒文懷回到丁珮家，叫不醒小龍
• 1973年7月20日下午10時，丁珮的私人醫生召喚救護車送院

丁珮表示對於李小龍過世前兩個月昏迷入院毫不知情：「永遠都唔會諗到一個死字，點會諗到佢死呢。」事後有傳媒查出救護車由她的家中離開，丁珮起初否認李小龍於自己家中昏迷，後來才與鄒文懷改口李小龍來家中討論劇本，為何當初隱瞞呢？丁珮回應是鄒文懷授意：「鄒文懷走嘅時候講，Betty啊你唔好講李小龍喺你屋企送去醫院...」當年丁珮的口供亦提到是按鄒文懷的指示。