玩轉粵東粵北懶人包｜家燕姐自爆「房事」秘密 羅天宇冼靖峰動物界新寵

【玩轉粵東粵北懶人包】家燕姐自爆「房事」秘密 羅天宇冼靖峰動物界新寵

《玩轉粵東粵北懶人包》最後一集，關楓馨同拍檔冼靖峰為家燕姐表演竹竿舞，仲安排咗養生溫泉嘅行程。歎完溫泉仲準備咗一席翁源特色菜，菜式有油水雞、胡椒浸鴨令對家美棋都要稱讚啊！壓軸嚟到花都，羅天宇同黃美棋帶家燕姐食地道農家菜，農家菜嘅菜式包含頭菜蒸肉餅、炒鹿茸菌等，全部都係同白飯一齊食嘅佳餚啊。嚟到從化嘅度假區，有咩玩呢？首先梗係要去睇吓啲房先啦！家燕姐突然同羅天宇自爆房事秘密，話自己一晚幾次，原來係喺張床到碌嚟碌去。之後佢哋就去咗餵飼動物同玩山道滑車等，動靜皆宜。跟住佢哋一班人就去咗享用從化菜，菜式有地膽頭燉肉汁湯、油橄欖蒸排骨，都係以當地食材入饌。