玄戰｜甄敏芳高衩裙晒長腿 爆綵排發台瘟極度恐慌

談到首度面對錄播與直播主持的考驗，甄敏芳驚爆非常緊張：「由第一集開始已經好緊張，怕自己做得唔好、怕出錯。直到琴晚直播，驚嘅感覺可以話係達至驚恐，直程綵排嘅時候係腦海一片混亂！」

甄敏芳特別感謝另外三位主持夥伴、節目組以及師傅的助手們，她感激眾人在直播與錄影期間給予的照顧與包容：「無論係我發台瘟、唔熟悉走位、唔識望 Cam，即使犯錯，你哋都冇責怪我，反而係鼓勵我，逐步逐步教我點樣改正同做得更好！」

最後，甄敏芳表示《玄戰》接下來還有 6 集，希望大家能見證她的進步與成長，並親切向網民呼籲：「如果大家覺得我有啲咩需要改善，請繼續話畀我聽！我會繼續努力，希望唔令大家失望！」展現出謙遜且極具上進心的一面，獲大批網民留言支持打氣。