江湖見2｜米雪黎耀祥相隔14年再合作！祥哥「李連英」上身侍奉夾餸 「第一代黃蓉」爆片場趣事

由於祥哥與米雪姐自《大太監》後已未有再合作，二人當時在劇中分別飾演慈禧太后及李連英，今次難得相隔14年再度碰頭，祥哥即時向米雪姐作揖高呼「太后吉祥」！談到當年拍攝《秀才遇著兵》首度與米雪姐合作，祥哥笑言「好開心」：「你知唔知我自細就睇你黃蓉。」

除了遊歷桃花島好山好水，三人還品嚐了色香味俱全的黃魚宴，席間祥哥再度「李連英」上身，恭敬地為米雪夾餸，但對麥包訴求卻完全懶理，「差別待遇」十分搞笑。

難得有嘉賓同行，祥哥及麥包自然「打爛沙盤問到篤」，問到米雪姐當年被選中演黃蓉一角感受時，她竟笑言不知道黃蓉是誰：「當時我記得係1976年，我哋幾個男仔女仔畀人揀中，我問過啲女同學，大家都未睇過武俠小說嘅，大家都唔知黃蓉定穆念慈邊個係主角，一睇小說，先知道：『嘩！原來咁多戲』。」米雪姐又謂全靠演了黃蓉，讓她年紀輕輕已學識點做人，坦言深受這個角色影響：「睇《射鵰》發現黃蓉古靈精怪、見人講人話，同埋要發惡嗰時就惡，對周伯通惡，但對洪七公就嗲啲，氹佢攞功夫時仲會煮嘢佢食。」

米雪姐還開心share了昔日拍劇飛紙仔及在片場自己為自己打反光板的有趣經歷：「今晚拍完，今晚剪接加效果，聽日就出街架喇」、「我哋自己揦住塊反光板，問燈光師攝影師得唔得，然後就講對白架喇。」米雪姐續指，當年由於拍攝時間緊逼，試過04再接06，故經常「未落妝就瞓覺」：「慳番啲瞓覺時間嘛，第二朝起身係咁易抹一抹，再補番啲粉落去。」另飾演過年青版及媽咪版黃蓉的米雪，還會大談演繹不同年紀黃蓉的不同之處。