東張西望｜無良上司呃智障女借財仔迎大反轉 妹妹反指家姐教佢誣陷「水哥」

《東張》今集安排「水哥」與姐姐阿青當面大對質，「水哥」率先現身，堅稱自己是無辜：「我覺得自己好屈辱，呢世人未試過咁樣被人屈法，屈到連電視台都要訪問我，如果《東張西望》係出街，你唔好同我打格仔，我係完面咁見人，唔需要打格仔，因為我係冇做過呢樣嘢！」隨後姐姐阿青質問：「我個妹去咗財仔借錢呀，借幾多錢都唔知㗎，支票係入落你個戶口㗎，係你攞咗去㗎！」「水哥」隨即反駁：「你阿妹你問佢或者大約幾多月份，入咗十萬零四千蚊畀我！咁銀行有紀錄㗎嘛，如果真係我，我願意接受全港九700萬市民嘅懲罰！」

阿青堅稱「水哥」把所有證據都消滅了才敢做：「如果留低線索，你就唔會做啦！」「水哥」否認帶妹妹阿蘭借「財仔」，反指對方還欠他700元：「佢最後同我借咗700蚊，最後佢700蚊係冇還俾我嘅。」他續指自己是公務員，2017年時離退休還有三年，沒有理由做違法的事：「如果我係同佢攞咗呢啲錢而犯上官非嘅呢，我啲退休金、長糧係會全部冇晒，係咪呢樣嘢會令我去搏？會同佢攞10萬4000蚊呢？」

雙方各執一詞，「水哥」於是打電話給妹妹阿蘭詢問，怎料事件就此峰迴路轉，妹妹在電話中突然否認帶她去借「財仔」的人是水哥，還直指是家姐教她誣陷水哥：「我已經話咗俾家姐聽！唔係你（水哥）。」

家姐阿青否認妹妹的指控，事情真相自此撲朔迷離，莫非帶妹妹借錢的人另有其人？水哥認為妹妹無法自行借錢及申請破產，而事主亦都認為只有熟人才會促使妹妹去借錢及申請破產，他們表示要繼續找出幕後黑手。