東張西望｜關嘉敏譚輝智首度合體唱跳「屈到病」獲本尊認可勁還原連仔女都認錯

《福祿壽訓練學院終極對決》日前播出，其中關嘉敏（Carman）女扮男裝神還原《中年好聲音2》亞軍譚輝智唱跳其洗腦歌《屈到病》掀全城熱話！無論是表情、舞姿還是唱腔都模仿到微妙微俏，充滿喜劇效果！Carman除了獲得專業評審的一致認可最終勇奪亞軍之外，就連譚智輝本人都讚她：「使唔使咁似？」

延伸閱讀： 福祿壽訓練學院｜仲似過扮王菲！關嘉敏乸埋口面扮譚輝智跳唱《屈到病》激似！ 《東張西望》日前（3日）特地安排兩人碰面，「痰輝智」與譚輝智本人首度同框！原來他們之前互不認識，一見面譚輝智率先幽默打招呼：「其實我先係關嘉敏。」而Carman笑回應：「其實我就係譚輝智」。Carman為扮演好對方，其實一點都不簡單，她自爆單化妝就花費3至4個鐘，不過得到本尊的超強認可，感到非常榮幸！譚輝智還透露家裡的子女看到節目時，還誤認為Carman是自己爸爸，被小朋友追問：「Daddy係唔係輸咗啦？」、「Daddy去咗邊啊？」認真搞笑！而為滿足網民心願，兩人還合體唱跳《屈到病》，大批網民亦去到Carman社交平台留言表示看到笑爆嘴：「你兩兄妹終於相遇啦」、「智敏組合，終於合體」、「笑死，你除咗扮個樣，連肢體語言都扮得好似」等。譚輝智更承諾：「呢段片爆嘅話呢，佢（關嘉敏）會再變身譚輝智，100萬啦（點撃率）！」