東張西望脊醫治療師｜港女做體檢被呃5位數頸椎治療費 做完7次療程肌肉發炎 要求退款遭拒！專科醫生咁講

骨科專科醫生袁智斌解釋正常頸椎弧度大約20至40度，如果頸椎沒有弧度代表頸椎不健康，大部分都市人經常玩手機，或者經常低頭工作，長時間向前傾頸椎弧度漸漸減少，嚴重情況例如頸椎有細菌發炎，勞損或退化，椎間盤問題，甚至頸骨出現癌症病變，都可以令到弧度減少。

「顧問」又繼續對陳小姐講：「如果唔做(治療)，第日就會好似啲公公婆婆咁弓住條腰行路！你呢個case好嚴重，所以要趁後生快啲搞返啱佢。」中心顧問順勢推銷集團一個健康保健計劃療程，要求一次購買60次包脊醫手法及儀器矯正，每次價值720元。陳小姐相信「顧問」提議，一次過繳付$43200。

事主完成7次療程後，每次做完都感到腰酸背痛，脊醫再叫她加錢「做多部機」，每次需多加五百元，一共52次。陳小姐沒有立即應承，但試做這部機之後，頸椎出現肌肉發炎情況。最終陳小姐去睇專科醫生，求醫後發現頸背腰肌肉全部發炎！專科醫生睇完X光片之後，才得知其情況根本無頸椎治療需要。

陳小姐之後向體檢中心要求退款，體檢中心回覆因為過了冷靜期所以未能退款，之後再向消委會投訴體檢中心才答應退款。雖體檢中心承諾退款，但要以正價2200元一次計算，以及收取8%行政費，所以陳小姐只能取回$24,564。陳小姐由始至終從未知道正價收費多少，就算上網查詢亦沒有正確價目表。