東張西望何伯｜何太回應曾做按摩「骨妹」傳聞 聲淚俱下自爆患抑鬱症欲輕生 前夫都係忘年戀？

《東張西望》早前報導何伯與新何太這段相差三十多歲的「忘年戀」引爆全城熱議！繼何伯夫婦日前（26日）開直播曬恩愛及大爆閨房秘事後，夫妻倆昨晚（28日）第三度上節目接受訪問，並就網民提出的質疑和批評逐一回應。

延伸閱讀： 何太與何伯直播激吻力證真愛 連咀2次仲自爆老公「床事秘密」：一早想同佢生個BB

提到何太的處女直播除了跟何伯連咀2次之餘，更大爆老公床事秘密，豪言指何伯一晚五次，此言論一出即被指道德淪亡教壞小朋友，何太也坦言當時很衝動：「有個網民不停問呢句，咁我就隨口...衝口而出就話畀佢知，我知道我哋夫妻生活嘅事，係唔應該喺公眾地方講出嚟，所以如果廣大觀眾聽到有啲唔舒服，我係可以道歉呀！」

有網民爆何太曾在東莞做按摩員，藝名「小燕」，與不少男士有不可告人的秘密，又指她曾做過夜場「媽咪」，還附贈一張疑似何太年輕時的靚相，看過「小燕」照片，何太稱：「根本唔係，我冇咁靚！」而何伯亦表示相中之人絕無可能是何太，因為何太沒有那麼大的嘴巴。

至於何太前夫與何伯也是非常有緣！原來何太前夫不單止也姓何，與何太相差22歲，亦是一段忘年戀。何太自揭曾經被前夫家暴致抑鬱甚至有輕生想法：「當時真係生不如死，我差啲想結束自己嘅生命。」何太更爆喊落淚，惹何伯心疼不已。