/public/tvbcom/article/images/202505/5e8ff5a8-8f04-48e6-88ed-45a3348aa718.jpeg)
《東張西望》上集講到，近日大圍出現一名「伸拳姐」，專門在天橋以街坊及學生為目標，見到目標就舉拳撞上，受害者眾多，搞到區內學生人心惶惶。
延伸閱讀： 東張西望｜大圍「伸拳姐」天橋無差別亂打人 街坊學生慘中招避之則吉
《東張西望》最新一集對「伸拳姐」進行連日追蹤，發現「伸拳姐」每日上天橋到落天橋前往大圍港鐵站期間都會伸出拳頭橫衝直撞，放工過後走上同一條天橋時行為反而收斂好多。更發現「伸拳姐」除了有伸拳打人之外，更會將沿路的共享單車一一推倒，「見一架搞一架」！
《東張西望》主持貓仔黎寬怡上天橋直接追問「伸拳姐」，「伸拳姐」堅稱「伸拳」只為保護自己：「「如果冇人安排…冇人撞到過嚟，就唔會嘅，通常會發生喺班女學生上（之前多次被女學生撞過？）唔係多次嘅，會有。」不過學生受訪時反指是「伸拳姐」特意伸拳撞過來：「我哋差唔多係每日返學都見到佢，我避開咗，佢都撞埋嚟，我明明見到佢咁樣舉住個拳頭，我無可能咁傻仲望住手機。」另一位同學表示即使將手機放在袋子裡，仍然被她撞。「伸拳姐」又指：「佢見到障礙物，唔係佢避開我而係我避開佢，我咪就變咗AI？」被問及為何要沿路推倒共享單車時，她卻表示單車是一種「信號」，不推倒就會有人不斷滋擾她。
+3
