攻你上大學｜海兒眼鏡學生妹Look曝光 Bob：啲仔畀你溝晒啦！

當中海兒的「眼鏡娘」造型極為可愛，連Bob也忍不住大讚：「啲仔畀你溝晒啦！」至於穿上校服的肥媽就語出驚人，自爆當年連小學六年級都未畢業，但憑著出版的著作被西班牙一間大學用作教科書，破格獲頒博士學位，肥媽霸氣表示：「唔使讀都有PhD！」

講到讀書往事與為仔女陪讀的經歷，一眾嘉賓大吐苦水兼爆料！車婉婉無奈表示：「其實我成日睇佢（仔仔）啲功課，但派番嚟都錯，好大鑊。」而張佳添則自豪地說：「我最叻係，我啱啱『攻』咗我個女上大學！」趙浚承就自爆中學時期因「兒女私情」掛住拍拖，導致成績直線下滑。至於擁有三藩市大學工商管理系（市場營銷）學士學位、之後更創立連鎖自助烘焙店的支嚳儀，自爆從小已「學以致用」，她笑言：「其實我三年班嘅時候，成日畀訓導主任Call入去，因為我畫咗啲畫賣畀同學！」