:quality(80)/public/tvbcom/article/images/202601/c83812a7-883b-40f2-8860-0b08cee41df1.png)
《尋歡作樂的姐姐》將於 1 月 5 日起，逢星期一至五晚 10 時 30 分於翡翠台播映。何沛珈日前率先上載節目花絮片段，見她化身索爆美人魚，畫面十分唯美。何沛珈接受tvb.com訪問並提供唯美靚相，見她形象百變又穿旗袍又穿露背晚裝，她笑言：「我哋今次嘅拍攝，每個人都落足心機，每一集除咗有好多美食同靚景，我哋拍Opening都要着到咁靚，每一個item都會襯番套衫！」
+3
何沛珈透露拍上海篇時十分高興，「上海篇真係冇令我哋失望，因為食咗好多間餐廳，大部份都係真心好好食，然後當然我哋亦都有姐姐福利部分，唔單只係姐姐會派福利，姐姐亦都獲取好多福利，會有同上海男士嘅一啲互動。」問到她所提到男士互動部分，何沛珈笑言獲「猛男3式」招待：「公主抱、男士餵食、大騷肌肉，呢啲係基本嘢，詳情就睇播出啦！」
提到節目中瘋狂飲飲食食，問到怕不怕增磅？何沛珈說：「我會抽時間去跑步，我朝早、收工之後都特登去健身室跑番個步先，但有時真係太攰啦，未必跑到嘅話第日就會腫，成個旅程之後我係肥咗啲嘅，塊面都圓潤咗，咁大家就知道呢個旅程有幾多好嘢食！」
+4
