家傳之保｜譚俊彥親為狄龍度身學做裁縫 胡定欣去海味舖首嘗發海參 黃翠如魚檔打工體驗起魚鱗

狄龍在當演員前曾任裁縫，譚俊彥到洋服店打工學做裁縫，一步步學習度尺、畫線剪布、穿針車衣等 ，最後譚俊彥更親手為父親度身訂造服裝，獲狄龍大讚。

談到今次父子一同拍節目，狄龍接受訪問時指拍攝令其勾起很多回憶，「 因為呢個綜藝講傳承 ，我記得Shaun去加拿大讀書時好擔心佢喺宿舍冇嘢食，我當時整咗公仔麵加蛋畀佢，佢好滿意，我話要教識佢，之後佢依家就整畀阿仔食。」譚俊彥笑言靠這碗公仔麵成功娶到太太。

狄龍大爆譚俊彥對其拍攝有很多限制，「佢唔畀我太辛苦，同埋佢話我一見到鏡頭就好着力，我話人哋咁辛苦嚟到，我梗係要着力，唔好令人失望。」

他續爆兒子很怕收到其電話，又不喜歡打給他，譚俊彥澄清並非如此，「因為佢比較有威嚴。」

黃翠如則到魚檔打工 ，一手一腳起魚鱗、劏魚和擺魚，她接受tvb.com訪問由於父親賣魚，故自小經常到街市，「細個嘅時候，我當街市係一個玩樂地方，以前喺街市玩係因為我爸爸賣魚有個散銀兜，我間唔中會攞幾蚊就去買零食，所以以前好鍾意去街市，街市嘅味道同濕滑對我嚟講絕不陌生。」

對於今次去魚檔打工 ，黃翠如直認有難度，「自細睇住爸爸鋪魚、舖冰、劏魚、起鱗， 每個過程我都成日睇，但今次係第一次做，比我想像中困難好多，因為當客人揀咗一條魚要盡快清咗啲鱗起腮起內臟 ，個刀工係好難， 仲要保留條魚要靚畀個客人，真係唔容易， 所以好感恩爸爸以往嘅努力照顧我哋。」蕭正楠則笑言主要負責推銷，又爆為該店舖賺得1萬蚊生意。

在活動上，蕭正楠指拍攝節目其一任務，要送外父的手寫信給太太，黃翠如指這是其屋企的傳統，「每次屋企有啲經歷爸爸都會寫封信 ，我哋叫做家書 ，我每次睇都好感動。」

至於家族從事海味生意的胡定欣，則到海味店體驗，更首嘗發海參，又分享當日拍攝難忘事，「 當日有個熟客嚟買冬菇， 個客好熟架步 ，仲話畀我聽點樣pack，加上舖頭內有太多唔同嘅品種， 絕對係一個好好嘅體驗 ，因為我以前都未試過喺舖頭幫手。」

今次更與母親首次一同上鏡，她指初時母親不太願意，「佢比較怕醜，驚唔識點講嘢，初頭都好緊張，但我有同佢講係簡單分享感受，所以我都有盡力令媽咪拍得開心舒服唔好有太大壓力。」