/public/tvbcom/article/images/202609/ed11d3b6-2b72-492f-8155-d59cd91a255c.jpg)
《女神配對計劃2》於今（20日）晚播出的第三集話題不斷，現年 40 歲的甜品店老闆侯建民（Zico）一出場，即憑成熟穩重的外表與健碩身材吸引女神俞可程的目光。二人互動更是火花四濺，甜度Max！
延伸閱讀：
女神配對計劃2｜27歲林子朗被指撞樣張天賦 示範高難度健身動作引爆尖叫 愛寵紋身獲讚重情
女神配對計劃2｜38歲短劇男神赴港驚喜告白 狂爆甜蜜浪漫金句 阮嘉敏感動眼濕濕
女神配對計劃2｜26歲混血靚仔Oscar 自揭Emo性格嚇窒女神 僅獲2燈陷淘汰危機
節目中，俞可程與 Zico 全程有講有笑，充滿粉紅泡泡。俞可程問：「如果你要整款甜品俾我，你會整啲咩？」Zico：「咁你鍾意食啲咩甜品？」俞可程：「你估吓？」Zico：「朱古力布丁嗰類。因為呢幾款比較甜。」
俞可程家姐即刻笑言：「佢笑到唔停口，春心蕩漾，要打俾佢叫佢冷靜啲！」主持 Bob（林盛斌）亦忍不住發話：「其實我哋真係可以走先，你哋兩個慢慢傾。」
俞可程在事後接受訪問時，大方公開自己對 Zico 特別感興趣且情有獨鍾的原因，事關二人早在節目外已有一段「網上情緣」：「其實我哋有一個 common friend Terry（李偉健），我有一次見到 Terry 嘅 IG po 咗一張相，係一班人做 Gym。機緣巧合下，我撳到 Zico 嘅 IG，所以我本身都有留意佢一段時間，今次再見返佢，有熟悉嘅感覺。」
雖然 Zico 外表條件優越，但他亦在節目中吐露過往的情傷故事。他自爆自己曾與一位日本女仔拍拖，當時兩人感情極佳，生活相處得宛如兩公婆般甜蜜，可惜最終因女方出軌而遺憾收場。
侯建民身高 178cm、體重 80kg，年收入120萬。他不僅精通巴西柔術，更擁有爆肌身材與極出色的運動履歷。侯建民曾參選 2007 年《香港先生競選》，與袁偉豪同屆，其後更於 2013 年勇奪「世界健身先生」亞軍！此外，侯建民亦曾參演不少電視劇及電影，並與羅子溢、何潤東等男神級藝人合作過。
